Barndomsøya

Update Required To play the media you will need to either update your browser to a recent version or update your Flash plugin.

Bygd: Harøya
Kommune: Sandøy
Tekst: Marøy, Elias E.
Melodi: Guttorm R. Ulvund
Kjelde: Ord ved hav

Guttorm R. Ulvund laga melodi i 2023

Her talar kvar tuva,

her kviskrar kvar stein

om guten som sprang her

som jublande svein,

og havet det spelar som harpa

ei blanding til smil og til gråt.

Og sundet og fjorden

med feiande bris

eg siglde og rodde

på vikingevis,

og bårone er dei same

som vogga min barndoms båt.

Her ser eg den vegen

som far munde trø

frå stova den vesle

og ned til si stø.

Det flagga ei skute der ute

som skulle lose i hamn.

To hender så slitne,

men falda i bøn,

som signande strauk meg

så ofte i løn,

er glitrande perlor i kransen

av minner frå barndomens tid.

Lat skina Guds sol

på mi barndoms øy.

Lat skina når eingong

eg folnar som høy.

Så mykje må falla og vika,

Guds lovnader berre står fast.