Frena-sangen

Update Required To play the media you will need to either update your browser to a recent version or update your Flash plugin.

Kommune: Fræna
Tekst: Fladmark, Ola
Melodi: At far min kunde gjera
Kjelde: Unge Romsdal 1936, s. 199

Her bygde vikingetter

i Frenas gamle jord.

Her i dei ljøse netter

dei kvilde før dei for.

Her fedre trugne kjempa -

so vonlaust mong ein gong.

Her mødre sorga dempa

med heimsens glade song.

Her gut og gjente bygde

i fjøre og i skog

sitt draumeslått som skygde,

so vidt som bylgja slog.

I fjord gjekk sølver stimar,

av torsk og sei og sild –

I stille nattetimar

låg bygda kyrr og still.

Her ligg i jomfrutankar

dei vie vidder end

og ungdom kjem å bankar,

der lyng og eine stend.

Med hakke og med spade,

snu torv i myr og koll

og byggja hus og lade

og sår i gjødsla vold.

Eingong skal Frena lysa

som fagrast eventyr,

og tusen unge hysa

der no er stein og myr.

Og fagre draumar skjelver

i gylne havre-neg.

Og himlen rein seg kvelver

om heim på heilagt sted.