Heimbygdssong for Nesset

Update Required To play the media you will need to either update your browser to a recent version or update your Flash plugin.

Kommune: Nesset
Tekst: Helde, Einar
Melodi: Arnold Farstad
Kjelde: Lovsongtonar / Einar Helde. - 2007

Skriven 2001. Arnold Farstad laga melodi i 2024

I Romsdal mellom høge fjell

der Mardalsfossen mektig fell,

og Aura, Eira, Visa renn

igjennom gard og grend,

har nessetgjelding heimen sin.

Ei vårsol blank på brear skin,

på Kleneggen og Skjorta brei

og tindar langt av lei.

Her streva folk i tusen år,

braut jord og pløgde haust og vår.

Det føde vart til folk og fe

frå åker, eng og tre.

Folk karda ull og spann og vov.

Til jakt og fiske var det lov.

Slik heldt dei liv i flokken sin

på ættegard så fin.

Her levde Bjørnson barneår,

og Arne og Synnøve går

med kjærleikssorg og utferdstrong

i lengt så mang ein gong.

Om kvardagen kan vere hard,

dei dyrkar godt sin odelsgard.

Dei strevar trutt med all sin flid

i von om framtid blid.

Dei unge slekter som veks opp,

dei prøver nå ein høgre topp.

Men dei som her sin heim har bygt,

har fått det godt og trygt.

Vi gjer vår plikt, set småe krav.

Snart livsens stormar stilnar av.

Vi lærte ta ein dag om senn,

og veit ny livssol renn.

Frå Aursjødam til Gussiås bru,

frå Goksøyra til Vasstindbu,

ved Langfjorden og Tingvollfjord

vi finn vår fedrejord.

Vår kulturarv vi verne må,

og stundom vi i strid må stå,

for framgang, fred og gode kår

i heimkommunen vår.