Mardalsfossen

Update Required To play the media you will need to either update your browser to a recent version or update your Flash plugin.

Bygd: Mardalsfossen
Kommune: Nesset
Tekst: Øverås, Haavard
Melodi: Guttorm Roaldsnes Ulvund. Opus 104 og 105

Teksten skriven 30. mai 1921

Fagrare foss hev eg aldri sett

enn denne eg ser ser her i kveld,

og talar det gjer han med ned han dett

fraa knausen der høgt oppi fjell.

Villare gut paa so vill ein veg

er vondt nok aa finna paa ferd

og maalet han talar, det elskar eg

og minnest det kvar eg so er.

Solbrand i synet han hev i kveld

den kåtaste karen paa jord!

for skumet det baarar og skin som eld

naar ned han seg stuper mot fjord.

Væta ho ryk uppi lause luft

som skodde i logande brand,

og velter seg vilt ned i kalde kluft

som kjøler den elden som rann.

Røyken han stig att fraa svarte svad

og skin uppi skinande sol!

Han braglar med blodlet den dansen glad

som sol uppaa fjellvidda ol.

Songen han susar i solmett luft,

og sig over fjella med sukk. –

Og alltid eg høyrer paa heimetuft

ei blanding linnhøyrde klukk.