På sætra

Update Required To play the media you will need to either update your browser to a recent version or update your Flash plugin.

Bygd: Nakkedalen
Kommune: Vestnes
Tekst: - d -
Melodi: Guttorm Roaldsnes Ulvund. Opus 102
Kjelde: Unge Romsdal 1931 s. 113

Stilla kviler over stølen,

skuggen kjem med lette steg.

Sval er kvelden etter ølen

som i dag var grueleg.

Snart du ser den siste stripa

sol som kverv på Nakkefjell

Røyken stig so lun frå pipa

åt det vesle sætertjeld.

Sætergjenta gjeng og stullar

ung og glad i selet sitt.

Og ein liten song ho sullar,

tonen kling so lett og fritt.

Stundom skyggjer ho mot høgda

der ho ventar kyrne frå,

glytter stundom ned mot bøgda.

Tru kva der ho ventar sjå?

Og ho kallar og ho lullar

so det svarar i kvar nut,

og ein liten song ho sullar

som ho lærde av sin gut.