Romsdal, vår heimstad

Bygd: Romsdal
Tekst: Fjordaguten (Nils Solhjell)
Kjelde: Jul i Romsdal 1946 s. 24

Utanfrå havet til høgaste fjellet

breider seg Romsdal i stordom og velde,

so som når storbåra bryt imot skjæra,

og eling og storm over fjell er i gjæra.

Då stirar verharde andlet frå havet,

og skøyta kryssar seg opp imot kavet.

Og bonden seg stødar på plogen og ser

mot fjellet - og vintren som trengjer fram der.

Men òg når vårsola ned på oss strøymer,

med grøn-gråe elvom frå fjellet fløymer,

når i sommarljose netter livet ler,

er du vår heimstad, den venaste me ser.

Og her dyrkar folket si fedranejord,

og strevar i sveitte frå fjell og til fjord.

Romsdal! Deg vil me minnast om bort me dreg,

og kjenna oss utlæg til me heimatt finn veg.