Romsdal

Update Required To play the media you will need to either update your browser to a recent version or update your Flash plugin.

Bygd: Romsdal
Tekst: Bårdsnes, Ola
Melodi: Borghild Tonberg
Kjelde: Jul i Romsdal 1992 s. 26 / Melodier fra Romsdal

Raumariket frå gamalt av,

romsdøler aldri deg gløymer,

Du er heimen som Gud oss gav;

gildt om di fremtid me drøymer.

Her vil me leva til jorda di trufast

oss gøymer.

Øyar, fjordar og nes og vik,

dalar med skogklædde lider,

høge fjell, som kjempor lik,

storkna frå eldgamle tider,

slik er du Romsdal, der raumene

bygde umsider.

Spør dei gamle – dei svarer deg:

Ja, her er jorda dei rudde

Far og son gjenom tusen led,

rudde og bygde og budde

Tungt var det ofte, men glad dei på

framtida trudde.

Langt der ute ved ytste øy

fiskaren stridde mot havet;

mang ein ungdom so brått laut døy,

slukt av det glupande havet.

Stilt kom dei heimatt dei andre som

høyrde til laget.

Men me elskar vår fedrejord,

Me vil ho rydja og dyrka;

vent skal heimen ved Romsdalsfjord

Smila i helg og i yrka;

og over heimen skal kvila Guds fred

ifrå kyrkja.

Me vil vyrdsla um arven stor,

målet åt fedrane æra,

aldri gløyma det her på jord

då veit eg fram det skal bera.

Romsdøler er me og romsdøler det

vil me vera.