Romsdalssong

Update Required To play the media you will need to either update your browser to a recent version or update your Flash plugin.

Bygd: Romsdal
Tekst: Vestad, Martin Knutsen
Melodi: Jeg har båret lerkens vinger av F. Silcher

Romsdal, Romsdal! deg me nemner

som vår landslut dyr og kjær,

Romsdal, Romsdal! deg me femner

og i barmen me deg bèr.

Romsdal, Romsdal! fagre bilde.

Smilande i fargeprakt

stig du fram slik Gud det vilde

ved eit «bliv» i allmakt sagt.

Romdalshorn og Vengetinder

kneiser høgt mot himmelblå

og som gjort med same hender

Trolltind-rader er å sjå.

Dronninga ved Kongens side

stend med kniplingstasen på.

Bispen einsam, trengd til side,

lengtar høgre opp å nå.

Romsdalsfjord med mange armar

nerven er som livet gav,

kjenner du kor lognt han varmar,

fører straum frå golfske hav?

Øyer, holmar utmed havet

er som forpost sett på vakt,

vaskar seg i båredraget

- fugleungar lik, er sagt.

Romsdal, Romsdal! fedres heimstad,

her vår eigen heim er sett,

og me trur i kraft av lovnad:

våre born får heimstadsrett.

Signe, Gud, vår heim, vårt yrke,

signe nabo, grend og bygd,

sign vår skule, sign vår kyrkje,

ver vårt vern og beste trygd.