Til Romsdal

Update Required To play the media you will need to either update your browser to a recent version or update your Flash plugin.

Bygd: Romsdal
Tekst: Haukaas, Hans
Melodi: Dei gamle fjell i syningom, eller: Eg elskar deg mitt fagre mål
Kjelde: Unge Romsdal 1944 s. 125

Vårt Romsdal skin i Noregs vår

ved Solskjell Hafrsfjord,

der Ingemund og Ragnvald står

i kjempering ombord.

Og Skofte, Vestnes-Nikolaus

og Eirik i frå Hen,

og Klungnes-Per og Øveraas

stend fremst imillom menn.

Vår Dreier på sin stubbe stend

og skriv sitt namn i blod.

Der Tordenskjold med sine menn

for flagget veldugt slo,

stod Reknes-Tønder fremst ilag

i Marstrand Dynekil.

So lyser gjenom Noregs dag

ei heltesoga gild.

Ja, Frekøysund og Husastad

med kongeskip på våg.

Frå Tornes Svein og Bergljot glad

som barn sitt Noreg såg.

Her Bjørnson fekk vengjer på

og vann seg over fjell,

og Blomebyen væn å sjå

i solglans sumarkveld.

Sjå Romsdalshornet ris i sky

med kjempor vidt ikring.

Vårt samlingsteikn for bygd og by

I Romsdal systkinring.

Og Veøy, Sekken minner ber

om kløyving, strid og tap.

Og eingong Noregs sol gjekk ned

der ut i Buagap.

Frå Stemshest sør til Miøysund

Atlanterhavet rår.

Frå denne rike fiskegrunn

me næring fær kvart år.

Og strender millom fjell og fjord

gjev grøda rik og god.

Eit sjølvhjelpt folk me var i Nord

og sterkt og friskt vårt blod.

Frå Hustadvik og Onahav

til Gudbrandsdal i aust

her stend eit folk i strid og kav

om fedrelandet traust.

Ja, folk og land dei kjær oss var

so vitnar soga all

og framtidsmerkjet titt me bar

i kamp på Noregs val.

So lat oss trutt på fedregrunn

på Romsdals lukka smi,

med fedremålet i vår munn

og fylgja med vår tid.

Då skal her bu i dal ved strand

ei ætt så gjev og sterk.

I truskap mot vårt folk og land

me fremjar fedraverk.